أسباب حب الوطن

بصغرنا علمونا أهلنا الكلمة اللي ذكرها رفيقنا prince of mortal واللي هي ( اللي ما فيه خير لوطنو مافي خير لأهلو )...

طيب كيف وليش ؟؟


لأنو المحبة بتبلش من الأرض اللي نحن عايشين عليها وبتنتهي بترابها ...
كيف يعني ؟؟؟؟
اسمحولي قربلكن ياها بالمثال التالي :
المقاومين الفلسطينين والشعب الفلسطيني اللي عايش في قلب العروبة فلسطين الجريحة ,برأيكن ليش لهلأ باقي فيها وعم يقاوم ؟؟
لأنها حلوة ؟
في كتير أحلا منها.
لأنو ما عندهن إمكانات مادية تمكنهن من الهجرة ؟
في مليون مؤسسة صهيونية ممكن توفرلهم أي شي في سبيل أنو يتركوا فلسطين .
مهناها تعودوا علي حياة الجوع والحصار ورضيوا فيها؟
مافي حدا شقد ما كان مستواه بيرضى بالذل .
أنا بعرف أنو عم تقولوا أنو هالحكي بتعرفوا ,ولكن انا بدي اصل معكن لنقطةمهمة كتير ، هي أنو الحب بشكل عام ما بيخضع للمنطق بس الحب الأسمى اللي هو حب الوطن ما لو اي أسباب أو دوافع على عكس باقي أنواع الحب , ممكن أن حب أمي لأنها تعبت علي وربتني , ممكن حب دكتور الجامعة لأنو درسني وتعب علي ( يعني ممكن بس مو أكيد ) , ممكن حب رفيقي أو رفيقتي لأنو برتاح لما بقعد معهن .....
فكل أنواع الحب ممكن بررلك كيف وليش وشو أسبابهم .إلا حب الوطن أنا بحب الوطن من وقت ما خلقت مو لأنو ابي هيك قلي ولا لأنو حب الوطن واجب ولا حتى لأنو دروس القومية هيك علمتني ولا أي شي تاني.........
أنا برأيي أنو حب الوطن شي فطري بيخلق مع الإنسان .
من وقت ما ولدنا ونحن منحب أرضنا بدون ما نعرف ليش , منلعب مبسوطين بالحدائق المكسرة ألعابها ومنشوفها أحلى الحدائق بالعالم , منركض عالارصفة المكسرة منتفشكل بجورها , ومنبكي , بس بعد شوي منرجع منقوم ومنرجع منكمل ركض .
أنا برأي أنو حب الوطن متل السحر منافي للطبيعة .



نسيت قلكن ليش الشعب الفلسطيني لهلأ صابر و عم يقاوم



بصراحة




ما خرج قلكن









لأنو حب الوطن مستحيل يتبرر بشي أو يكون لو سبب